Posted By Ansa Staff Editor Posted On

കുവൈത്തിലെ പ്രമുഖ കലാകാരി ഡോ.പ്രശാന്തി ദാമോദരന്‍ നാട്ടിൽ നിര്യാതയായി

കുവൈത്തിലെ പ്രമുഖ കലാകാരിയും സാമൂഹിക സാംസ്കാരിക രംഗത്തെ നിറ സാന്നിധ്യവുമായ ഡോ.പ്രശാന്തി ദാമോദരന്‍ നാട്ടിൽ നിര്യാതയായി. കൊല്ലം, ശാസ്താംകോട്ട സ്വദേശിനിയാണ്. അര്‍ബുദ രോഗത്തെ തുടര്‍ന്ന് രണ്ട് മാസം മുന്‍പ് കുവൈത്തിൽ ല നിന്ന് നാട്ടിലേക്ക് പോയി ഇവർ ചികിത്സയിലായിരുന്നു.

ഇന്ന് പുലർച്ചെയാണ് മരണം സംഭവിച്ചത്. വര്‍ഷങ്ങളായി കുവൈത്ത് യൂണിവേഴ്സിറ്റിയിലെ ജീവനക്കാരിയായിരുന്ന പ്രശാന്തി കുവൈത്തിലെ നാടക-കലാസാഹിത്യലോകത്ത് നിറ സാന്നിദ്ധ്യമായിരുന്നു. കുവൈത്ത് ഓയില്‍ കന്പനിയിലെ ജീവനക്കാരന്‍ സാന്തോഷ് ഭര്‍ത്താവാണ്. ഏകമകള്‍ ഭൂമിക സന്തോഷ് ഐ.എസ്.എസ്.കെ. സീനിയര്‍ സ്കൂളില്‍ പന്ത്രണ്ടാം ക്ലാസ് വിദ്യാര്‍ത്ഥിനിയാണ്. കല്ലട, വിളന്തറയിലുള്ള പോറ്റിമഠം കുടുംബവീട്ടില്‍ സംസ്കാര ചടങ്ങുകള്‍ നടക്കും.

Comments (0)

Leave a Reply

Your email address will not be published. Required fields are marked *