പ്രവാസികളെ.. കുവൈറ്റിൽ വ്യാജ വിലാസം ഉപയോഗിക്കുന്നത് ഇനി ചെറിയ തെറ്റല്ല ; സിവിൽ ഐഡിവരെ മരവിപ്പിക്കും
കുവൈറ്റ് സിറ്റി: വ്യാജ വാടക വിലാസങ്ങൾ ലക്ഷ്യമിട്ട് പിഎസിഐ നടത്തുന്ന നടപടിയിൽ കുവൈറ്റിലെ പ്രവാസി സമൂഹം ആശങ്കയിലാണ്.
ഇത് ഓരോ മാസവും നൂറുകണക്കിന് വാടകക്കാരുടെ വിവരങ്ങൾ സിവിൽ രേഖകളിൽ നിന്ന് പെട്ടെന്ന് ഇല്ലാതാകാൻ കാരണമാകുന്നുണ്ട്. . തട്ടിപ്പുകാരായ ഭൂവുടമകൾക്കും വൻകിട വാടകക്കാർക്കുമെതിരെ നിയമ യുദ്ധം തുടരുമെന്ന് പിഎസിഐ പറഞ്ഞു.
രേഖകൾ സൂക്ഷ്മമായി അവലോകനം ചെയ്യും. ഒറ്റ ദിവസം കൊണ്ട് വിലാസം ഇല്ലാതാകുന്ന പ്രവാസികളുടെ കണക്കുകൾ അമ്പരപ്പിക്കുന്നതാണ്.
പലപ്പോഴും വ്യാജ വിലാസം നൽകിയതിനാലോ, പുതിയ കരാർ ഒപ്പിടാത്തതിനാലോ, അല്ലെങ്കിൽ മുഴുവൻ കെട്ടിടവും പൊളിക്കേണ്ടി വരുന്നതിനാലോ ഏറ്റവും കൂടുതൽ ബുദ്ധിമുട്ടുകൾ നേരിടുന്നത് ദുർബലരായ ആളുകളാണ്. കുറഞ്ഞ ശമ്പളമുള്ള ബാച്ചിലർമാർക്കും, രേഖകളില്ലാത്ത തൊഴിലാളികൾക്കും (പ്രധാനമായും ഏഷ്യൻ രാജ്യങ്ങളിൽ നിന്നുള്ളവർ), കുവൈറ്റ് സിവിൽ ഐഡി നേടാനോ പുതുക്കാനോ ഉള്ള ഏക മാർഗം പണം നൽകി ഒരു “വ്യാജ” വിലാസം നേടുക എന്നതാണ്.
പ്രവാസികൾ അവരുടെ പേരിൽ വ്യാജ വാടക കരാറുകൾ ഉണ്ടാക്കി സഹേൽ ആപ്പിൽ അപ്‌ലോഡ് ചെയ്യുന്നതായും കണ്ടെത്തിയിട്ടുണ്ട്.
ഇത്തരത്തിൽ ചെയ്തതിന്റെ അപകടസാധ്യത തുറന്നുകാട്ടിയതുമായ മംഗഫ് തീപിടുത്തം. ദുരന്തത്തിനുശേഷം, കുവൈറ്റിൽ ഇത്സംബന്ധിച്ച്
കർശനമായ നടപടികൾ സ്വീകരിച്ചിട്ടുണ്ട്. ഇനി വാടക കരാർ കാലഹരണപ്പെടുന്നത് കുവൈറ്റിൽ ഒരു ചെറിയ പിഴവല്ല. സിവിൽ ഐ ഡി വരെ മരവിപ്പിക്കാൻ ഇത് കാരണമാകും. പ്രവാസികളുടെ സിവിൽ ഐഡികൾ മരവിപ്പിക്കപ്പെടുന്നു, അവരുടെ വിസ പുതുക്കലുകൾ അനിശ്ചിതത്വത്തിലാവും, കൂടാതെ 100 KD വരെ കനത്ത പിഴകൾ ലഭിക്കും.
Comments (0)