കുവൈത്തിലെ എമർജൻസി ഹോട്ട്‌ലൈനായ 112 ദുരുപയോഗം ചെയ്തതിന് ഒരു കുട്ടിയെ അറസ്റ്റ് ചെയ്തതായി അധികൃതര്‍ അറിയിച്ചു. തെറ്റായ കോൾ വിളിച്ച് സുരക്ഷാ അധികാരികൾക്ക് അനാവശ്യ തടസ്സമുണ്ടാക്കിയതിനാണ് അറസ്റ്റ്. കുട്ടിക്കെതിരെ നിയമനടപടികൾ ആരംഭിക്കുകയും കൂടുതൽ നടപടികൾക്കായി ബന്ധപ്പെട്ട അതോറിറ്റിക്ക് കൈമാറുകയും ചെയ്തിട്ടുണ്ട്.
ഇറാനും ഇസ്രായേലും തമ്മിലുള്ള നിലവിലുള്ള സംഘർഷങ്ങളുമായി ബന്ധപ്പെട്ട് സുഹൃത്തുക്കളെ ചിരിപ്പിക്കാൻ വേണ്ടിയുള്ള ഒരു തമാശ എന്ന നിലയിലാണ് കുട്ടി ഓപ്പറേഷൻസ് റൂമിലേക്ക് വ്യാജ കോൾ ചെയ്തത്. വീഡിയോയിൽ റെക്കോർഡ് ചെയ്യപ്പെടുകയും പിന്നീട് സാമൂഹിക മാധ്യമങ്ങളിൽ പങ്കുവെക്കുകയും ചെയ്ത ഈ സംഭവം ചിരിപ്പിക്കാൻ ഉദ്ദേശിച്ചുള്ളതായിരുന്നെങ്കിലും, നിർണായക അടിയന്തര സേവനങ്ങളുടെ ദുരുപയോഗത്തെക്കുറിച്ച് ആശങ്ക ഉയർത്തി.
ഇത്തരം പ്രവൃത്തികൾ നിയമത്തിന്റെ ഗുരുതരമായ ലംഘനമാണെന്ന് മന്ത്രാലയം വ്യക്തമാക്കി. അടിയന്തര സേവനങ്ങളുടെ ദുരുപയോഗം സുരക്ഷാ, രക്ഷാപ്രവർത്തന സംഘങ്ങളുടെ പ്രവർത്തനങ്ങളെ പ്രതികൂലമായി ബാധിക്കുമെന്നും യഥാർത്ഥ അടിയന്തര സാഹചര്യങ്ങളോടുള്ള പ്രതികരണം വൈകിപ്പിച്ച് ജീവന് അപകടമുണ്ടാക്കുമെന്നും മന്ത്രാലയം മുന്നറിയിപ്പ് നൽകി.കുവൈറ്റിലെ വിവരങ്ങളെല്ലാം വിരല്‍ത്തുമ്പിലെത്താന്‍ ഈ ഗ്രൂപ്പിൽ അംഗമാകുകhttps://chat.whatsapp.com/JKuxVMuEJsKD2PpJ7x6It8